Жексенбi, 30 Сәуір 2017 г. 01:20

Білім беру

Мекеменің атауы: «Күршім балалар музыка мектебі» коммуналдық мемлекеттік қазыналық кәсіпорын
Құрылған жылы: 1970

Мемлекеттік лицензиясы, серия № АА № 0008023
Берілген күні: 8 желтоқсан 2004 жыл

Мекен жайы: Шығыс Қазақстан Облысы, Күршім ауданы, Күршім ауылы,
Барақ батыр көшесі, 25 үй.

Байланыс телефоны: 3 - 16 - 35, 3 -16 - 32
Факс: 8 (72339) 3-16-35

Директор - Тойбаев Шакерхан Мамырханұлы

Мекеме туралы мағлұмат

Атауы Саны
1 Балалар саны 150
2 Мұғалімдер саны 12
3 Хореография залы, сахна залы, оркестр залы 3
4 Кабинеттердің саны 9

Мектептің негізгі
мақсаттары мен міндеттері
- дені сау, ұлттық сана сезімі оянған, рухани ойлау дәрежесі биік мәдениетті, парасатты, ар-ожданы мол, еңбек сүйгіш, іскер, бойында басқа да игі қасиеттері қалыптасқан Қазақстан Республикасының елжанды азаматын тәрбиелеу;
- оқушыларға жалпы музыкалық білім беру, балаларды өнерге баулу, эстетикалық талғамдарын ең тамаша ұлттық және классикалық музыкамен шыңдау;
- ерекше қабілетті балаларды оқу орындарына түсуіне дайындау;
 - музыкалық тәрбиенің тәсілгерлік орталығы болу және оқушылар арасында жүйелі түрде музыкалық мәдениетті насихаттау, тәсілдік және іс жүзінде мектептер мен ұжымдарда өнерпаздарды ұйымдастыруға көмектесу;
- оқушыларды оқытудың инновациялық әдіс-тәсілдері мен технологиясы арқылы олардың өзіндік іс-әрекетін, дағдылары мен шығармашылық қабілеттерін қалыптастыру.

Бүгінгі күні мектепте оқу-тәрбие жұмысы - домбыра, қобыз, домбырамен ән айту, эстрадалық вокал, фортепьяно, баян, хореография мамандықтары бойынша жүргізіліп, 150 оқушы дәріс алуда.
 Мектепте 12 оқытушы жұмыс істейді. Олардың жетеуінің жоғары музыкалық педагогикалық білімі бар, бес мұғалім музыкалық арнаулы орта білімді.
2013 жылдың 3-7 қаңтар айында Алматы қаласында өткен Х Халықаралық «Күншуақ» байқау-фестиваліне мектептің бес оқушысы қатысып, бір-Гран При, екі-бірінші жүлде, бір-екінші жүлде, бір-үшінші жүлдені иеленіп, барлықтары лауреат атанып қайтты.

2015 жылдың қаңтар айының 5-9-ы аралығында Алматы қаласында өткен «Зимняя сказка в Алматы – 2015» атты жас орындаушылардың байқауында Е.Мубараков, М.Бердіхан, Ә.Манарбекқызы домбыра тенор номинациясы бойынша жүлделі бірінші орындарды иеленіп, лауреат атанды. Ұстаздары–Тойбаева Айман мен Құсайынова Жансая.

Ақпан айында Өскемен қаласында өткен эстрадалық орындаушылардың облыстық «Жас қанат» байқауында мектептің тәрбиеленушісі Ерикова Азиза жоғары көрсеткішке қол жеткізіп, лауреат атанды. Ұстазы – Тойбаев Шакерхан Мамырханұлы.

Наурыз айында Өскемен қаласында өткен 49-Республикалық жас музыканттар фестиваль-конкурсында М.Бердіхан және Ә.Манарбекқызы арнайы сертификатқа ие болды. Ұстаздары – Тойбаева Айман, Құсайынова Жансая.
2015 жылғы 22 қазан күні домбыра, қобыз мамандықтарының оқытушысы А.Тойбаева Өскемен қаласында өткен «Қосымша білім берудің үздік педагогі-2015» атты облыстық байқауға қатысып, арнайы дипломмен марапатталды.

2015 жылғы 26 қазан күні эстрадамен ән айту мамандығының оқушысы Е.Жеңісбек (Оқытушысы А.Баталова) Семей қаласы Шүлбі кентінде өткен «Алтын дауыс» атты облыстық жас вокалистер байқауына қатысып, дипломант атанып қайтты.
2015 жылғы 19 қараша күні аудандық мәдениет үйінде мектептің жанынан құрылған «Әлқисса» фольклорлық ансамблі «Туған ел – алтын бесігім» акциясы аясында көркемөнерпаздар байқауына қатысып, әділ-қазылар тарапынан жоғары бағаға ие болды.

«Әлқисса» фольклорлық ансамблі

2014 жылдың қорытындысы бойынша Күршім балалар музыка мектебі ҚР Ұлттық бизнес-рейтингісінің шешімімен Ұлттық сертификатқа ие болып, «Үздік мекеме» атанды. Мектеп директоры Ш.Тойбаев «Кәсіби саладағы ерен еңбегі үшін» медалімен марапатталды.
Мектеп оркестрінің негізінде құрылған ауданның халықтық атағы бар ұлт-аспаптар оркестрі (дирижеры Ш.М Тойбаев), «Әлқисса» фольклорлық ансамблі, «Сымбат» бишілер ұжымы аудандық, облыстық деңгейдегі барлық мәдени шараларда аудан намысын лайықты қорғап жүр.

«Күршім ауданы әкімдігінің балалар шығармашылық үйі» коммуналдық мемлекеттік қазыналық кәсіпорын

Балалар шығармашылық үйі 2004 жылы бұрынғы «Пионерлер үйі» базасында құрылған. 2007-2008 оқу жылынан бастап материалдық дамуы қарқын ала бастады.
Мектептен тыс мекемелерде оқушыларға эстетикалық және рухани – адамгершілік тәрбие берудің негізгі құралы өнер болып табылады. Өнерді үйрете отырып, оқушылардың жан дүниесін әдемілік пен әсемдіктің, адамгершілік пен әдептіліктің қасиетін дарыту, болашақ ұрпақтың жоғарғы мәдениетті болып өсуін қамтамасыз ету, жалпы мемлекеттік мәселе.   Балалар шығармашылық үйі оқушыларға қосымша білім беретін, шығармашылық ізденістерін жетілдіретін, жеке басының мәдениетін қалыптастыратын қоғамдық өмірге бейімділігін арттыра отырып, елжандылыққа тәрбиелейтін мектептен тыс мекеме.
Мекеме директоры –Наукенов Салий Қалиұлы, 1965 жылы туған, ұлты-қазақ, білімі жоғары, біліктілік  санаты-жоғары, еңбек өтілі – 31 жыл.
Балалар шығармашылық үйінде бес бағыт бойынша 177 бала дәріс алуда:
1)Хореография 
2)Қолөнер және тігін
3)Бейнелеу өнері
4) Жас техник  
5)Шахмат

Әр үйірме мүмкіндігімен балалардың жас ерекшеліктеріне қарай бірнеше топтарға бөлінген.
Мекен-жайы: ШҚО Күршім ауданы Күршім ауылы Исабеков к.19 үй.
Заңды тұлғаны мемлекеттік тіркеу туралы
КУӘЛІК № 122-1917-06-МК  22.07.2004ж

Хореография үйірмесі
«Жайна» халықтық бишілер ансамблінің тарихына көз жүгіртсек, 1987жылы Күршім №3 орта мектебінің жанынан «Балауса» бишілер ансамблі құрылады. Ансамбль мүшелерін негізінен 3-6 сынып оқушылары құрады. 1990 жылы ансамбль мүшелерінің жас ерекшеліктерін ескере отыра, ансамбль «Жайна» деген жаңа атқа ауыстырылды.Сол уақыттан бері ансамбль аудан көлемінде өтетін барлық мәдени шараларға қатыса отыра, облыстық республикалық  және халықаралық жарыстарда нәтижелі өнер көрсете білді. Атап айтқанда: «Ертіс моңлары» ХІV Халықаралық татар өнері фестивалі, І дәрежелі диплом лауреаты, 2013 жыл; «Дәстүрлі орыс биінің үздік өнері» облыстық балалар мен жасөспірімдер фестивалі, ІІ орын 2013жыл; «Сиқырлы би әлемі» облыстық би конкурсы, ІІ орын 2014 жыл; Ұлы жеңістің 70 жылдығына арналған «Радуга талантов» халықаралық балалар конкурсы, 6-8 жас аралығында – 1 орын, 15-17 жас аралығында – 1 орын 2015 жыл; Адандық «Биле, биле – 2015» бишілер байқауы, 7-9 жас аралығында – Бас жүлдеге ие болды.

«Қолөнер және тігін»  үйірмесі
Қолөнер үйірмесінің оқушылары жасаған бұйымдарын аудандық мұражайға және басқа да қоғамдық орындарда көшпелі көрме ретінде көрсетіп отырады.Аудандық, облыстық көрмелерге қатысып, үнемі жоғары көрсеткіштерге қол жеткізді. 2013 жылы облыстық балалар мен жасөспірімдер фестиваліне қатысып, жалпы командалық есепте жүлделі ІІ орын иеленді,  «Жастар шығармашылығы – 2015» көрмесі «Сәндік және қолданбалы өнер саласы» бойынша ІІ орын алды;

«Дойбы-Шахмат» үйірмесі

«Дойбы-Шахмат» үйірмесі 2013 жылдан бастап өз жұмысын бастады. Мақсаты: оқушылардың ойлау қабілетін арттыру, бос уақытын тиімді ұйымдастыра отырып, жан-жақты дамыған тұлғаны қалыптастыру.


«Жас техник» үйірмесі

Балалар шығармашылдық үйінде «Жас техник» үйірмесі 2012 жылы құрылған. Үйірмеге 2 сыныптан бастап қабылданады. Түрлі техникалардың көшірмелерін үлгілейді. Әр түрлі материалдан жасалған техника үлгілері түрлі деңгейдегі көрмелерге қатысып жүр. Атап айтқанда: 2013 жылы өткен облыстық «EXPO-2017» көрмесінде «Жас техниктер-білім беру ұйымында» номинациясы бойынша ІІ орын, «Бастапқы техникалық үлгілеу», «Жас техниктер – құрылыста» номинациялары бойынша ІІІ орын, жалпы командалық есепте Балалар шығармашылық үйі ІІІ орын иеленді. Жас техниктер мен өнертапқыштардың 2014 жылы өткен облыстық шығармашылық көрмесінде «Авиа модельдері» номинациясында ІІ орын, «Авто модельдеуде» ІІІ орын. Аудандық «Жастар шығармашылығы - 2015» «Жас техниктер» саласы бойынша көрмеде командалық есепте ІІ орын алды.

«Бейнелеу өнері» үйірмесі
«Бейнелеу өнері» үйірмесі  оқушыларының жұмыстары 2013 жылы облыстық байқауда жекелей сындар бойынша ІІ және ІІІ орындарды иеленді. Ауданда өтетін түрлі шаралар кезінде оқушылардың жұмыстары көрме ретінде қойылады.

Парақтар өзгертілді: 04-12-2015