Дұйсенбi , 23 Қазан 2017 г. 02:48

Мемлекеттік қызметы

Мемлекеттік јкімшілік лауазымдарыныѕ санаттарына Типтiк бiлiктiлiк талаптарын бекiту туралы
Әкімшілік мемлекеттік қызметке орналасу

Күршім ауданы бойынша жергілікті атқарушы органдардағы
вакансиялар туралы мәлімет

р/с Бос лауазым атауы Санаты
1 Күршім ауданы әкімі аппаратының кеңсе, ақпараттық технологиялар және мемлекеттік қызметтер көрсету сапасына ішкі бақылау бөлімінің басшысы (негізгі қызметкердің бала күтіміне байланысты уақытша орнына) Е-3
2 Күршім ауданы әкімі аппаратының кеңсе, ақпараттық технологиялар және мемлекеттік қызметтер көрсету сапасына ішкі бақылау бөлімінің бас маманы Е-4
3 Сәулет, құрылыс, тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Е- R -1
4 Сәулет, құрылыс, тұрғын үй-коммуналдық шаруашылығы, жолаушылар көлігі және автомобиль жолдары бөлімі басшысының орынбасары Е- R -2
5 Кәсіпкерлік және ауыл шаруашылығы бөлімі басшысының орынбасары Е- R -2
6 Сәулет, құрылыс, тұрғын үй-коммуналдық шаруашылығы, жолаушылар көлігі және автомобиль жолдары бөлімінің бас маман-есепшісі Е-R-4
7 Экономика және қаржы бөлімінің бас маманы (негізгі қызметкердің бала күтіміне байланысты уақытша орнына) Е-R-4
8 Ішкі саясат бөлімінің бас маманы (негізгі қызметкердің бала күтіміне байланысты уақытша орнына) Е-R-4
9 Кәсіпкерлік және ауыл шаруашылығы бөлімінің жетекші маманы Е-R-5
10 Ветеринария бөлімінің жетекші маман-есепшісі (негізгі қызметкердің бала күтіміне байланысты уақытша орнына) Е-R-5
11 Экономика және қаржы бөлімінің жетекші маманы Е-R-5
12 Қалғұты ауылдық округі әкімі аппаратының бас маман-іс басқарушысы Е-G-3
13 Марқакөл ауылдық округі әкімі аппаратының бас маман-іс басқарушысы Е-G-3
14 Ақбұлақ ауылдық округі әкімі аппаратының бас маман - есепшісі Е-G-3
15 Құйған ауылдық округі әкімі аппаратының бас маман-есепшісі Е-G-3
16 Қалғұты ауылдық округі әкімі аппаратының бас маман-есепшісі Е-G-3
17 Балықшы ауылдық округі әкімі аппаратының бас маман-есепшісі (негізгі қызметкердің бала күтіміне байланысты уақытша орнына) Е-G-3
18 Марқакөл ауылдық округі әкімі аппаратының жетекші маманы Е-G-4
19 Боран ауылдық округі әкімі аппаратының жетекші маманы Е-G-4

 

Байланыс телефоны: 8-723-39-2-16-79 

 

Шығыс Қазақстан облысының «Күршім ауданы әкімінің аппараты» мм бос әкiмшiлiк мемлекеттiк лауазымдарға орналасуға конкурс жариялайды:

1.Сәулет, құрылыс, тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы, (E-R-1 санаты) – 1 бірлік.
Лауазымдық жалақысы қызмет атқарған жылдарына байланысты 109547 теңгеден 147986 теңгеге дейiн.
Конкурсқа қатысушыларға қойылатын талаптар:
Жоғары (техникалық, экономикалық, қаржылық, мемлекеттік және жергілікті басқару, заңгерлік) білім.
Жұмыс тәжірибесі келесі талаптардың біріне сәйкес болуы тиіс:
1) мемлекеттік қызмет өтілі үш жылдан кем емес;
2)жоғары оқу орнынан кейінгі білім бағдарламалары бойынша Қазақстан Республикасының Президенті жанындағы білім беру ұйымдарында мемлекеттік тапсырыс негізінде немесе шетелдің жоғары оқу орындарында шетелде кадрлар даярлау жөніндегі республикалық комиссия бекітетін басым мамандықтар бойынша оқуды аяқтаған жағдайда мемлекеттік қызмет өтілі бір жылдан кем болмауы;
3) ғылыми дәрежесінің болуы;
4) мемлекеттік органдарда басшылық немесе өзге лауазымдарда жұмыс өтілі бір жылдан кем болмауы; 
5) осы санаттағы нақты  лауазымның функционалдық бағыттарына сәйкес салаларда жұмыс өтілі төрт жылдан кем емес, оның ішінде басшылық лауазымдарда бір жылдан кем болмауы.
Функционалдық міндеттері: Өз қызметін Қазақстан Республикасының Конституциясына және заңдарына, Қазақстан Республикасы Президентінің, Үкіметінің актілеріне, облыс әкімінің, аудан әкімінің нормативтік-құқықтық актілеріне, сондай-ақ  бөлім Ережесіне сәйкес жүзеге асырады. Мекемені басқарады, жұмысына басшылық жасап ұйымдастырады. Мекемедегі қызметкерлердің және  мемлекеттік орган қарамағындағы ұйым басшыларының міндеттері мен өкілеттерін айқындайды. Лауазымға тағайындайды және лауазымнан босатады. Сәулет, қала құрылысы, құрылыс және тұрғын үй-коммуналдық шаруашылық,  жолаушы көлігі, автомобиль жолдары саласындағы мемлекеттік саясаттың негізгі бағытын іске асыруды қамтамасыз етеді. Аудан көлемінде сәулет, құрылыс мәселелерін шешеді, аудандық сәулетші міндеттерін атқарады. Тапсырушыларға құрылыс паспорттарын дайындау, алдын ала жер учаскелерін бөлу, сәулеттік жобалық тапсырмалар және құрылыстардың барлық түрлеріне жобалау жұмыстарын жүргізуге керекті құжаттарды дайындайды. Мекемелер мен кәсіпорындарға, шаруашылық субъектілерге, жерге мемлекеттік акт алуға, жерді сатып немесе жалға алуға керекті құжаттарды дайындайды. Белгіленген тәртіпте барлық құрылыс нысандарын орналастыруға жобалау ұсыныстарын және осыған сай жер болу туралы жергілікті әкімдіктердің қаулысын дайындайды. Шарт негізінде кәсіпорындар мен мекемелер, шаруа қожалықтары және жеке меншік құрылыс жүргізушілермен құрылыс, жөндеу, қайта салу және қалпына келтіру жұмыстарын тұрғын үй- азаматтық, өндірістік, ауыл шаруашылық саласында, тарихи мәдени ескерткіштер, қаладағы көркемдеу әсемдеу жұмыстары, интерьерлер мен және де басқа жобалық – сметалық құжаттар дайындайды. Қазақстан Республикасының қолданылып жүрген заңдары негізінде жергілікті маңызы бар жол жүйелерін дамытуды және қызмет етуді қамтамасыз етеді, мемлекеттік реттеуді әкімшілік-территориялық бірлік негізінде іске асырады. Қолданылып жүрген заңдар негізінде сәулет, қала құрылысы, құрылыс және жолаушылар көлігі және тұрғын үй-коммуналдық  шаруашылық  саласын  дамытады. Елді мекендердің бас жоспарларының сақталуына, құрылыс жүргізілетін және күрделі жөндеуден өткізілетін нысандардың сапасына бақылау жасайды. Құрылыс нысандарына қатысты әртүрлі комиссиялардың жұмыстарына қатысады. Жергілікті деңгейде бөлім бағдарламаларын қаржыландыруды жүзеге асырады. Жетекшілік ететін салалардағы әлеуметтік-экономикалық жағдайды талдайды, болжайды және ақпарат жинайды Аумақта жоспарланып отырған құрылыс салу не өзге де қала құрылысының өзгерістері туралы БАҚ арқылы халықты хабардар етеді. Пайдалануға берілетін объектілерді (кешендерді) заңдарда белгіленген тәртіппен қабылдау және тіркеу жөніндегі жұмыстарды ұйымдастырады. Аудандық маңызы бар құрылыс, аумақты инженерлік жағынан дайындау, абаттандыру және көгалдандыру, аяқталмаған объектілер құрылысын тоқтап қою, объектілерді кейіннен кәдеге жарату жөнінде жұмыстар кешенін жүргізу туралы шешімдер қабылдайды. Қала құрылысы кадастарын және мекен-жай тіркелімін жүргізу үшін ақпараттар жинайды және өңдейді. Аудандағы құрылыс қызметін үйлестіреді, құрылыс қызметі саласындағы әлеуметтік-экономикалық бағдарламалар жоспарларын әзірлеп, келісуге қатысады. Бірыңғай тапсырыс берушінің қызметін орындаумен байланысты мәселелерді шешеді. Аудан аумағындағы жобалық-сметалық құжаттамаларды, құрылыс жүргізілуге тиіс ғимараттар мен құрылыстарды қайта салуды, күрделі жөндеуді бюджеттік қаржылар есебінен қарайды және келіседі. Аудан аумағында мақсатты және аймақтық бағдарламаларды жүзеге асырады. Сәулет, құрылыс және тұрғын үй-коммуналдық шаруашылық,  жолаушы  көлігі, автомобиль жолдары саласында бірыңғай мемлекеттік саясатты, инвестициялық саясатты қамтамасыз етеді. Аудан бойынша ғимараттар мен ғимараттарды қайта жаңғырту және күрделі жөндеуге бюджеттен жасалатын жобалық-сметалық құжаттамаларды қарайды және бекітеді. Уәкілетті мемлекеттік органмен келісе отырып, аудандық маңызы бар жалпыға ортақ пайдаланылатын автомобиль жолдары желісін, елді мекендердің көшелерін басқаруды іске асырады. Аудандық маңызы бар жалпыға ортақ пайдаланылатын автомобиль жолдарын, елді мекендеріндегі көшелерді дамыту жоспарлары мен бағдарламаларын әзірлейді және іске асырады. Аудандық маңызы бар жалпыға ортақ пайдаланылатын автомобиль жолдарын, елді мекендердің көшелерін және тұрғын үй-коммуналдық шаруашылық нысандарын салу, қайта жаңғырту, жөндеу және күтіп ұстау жөніндегі  жұмыстарды  ұйымдастырады. Тұрғын үй-коммуналдық шаруашылық,  жол-көпір шаруашылығы саласындағы заңнамалардың сақталуына бақылау жасап, жүзеге асырады. Тұрғын үй-коммуналдық шаруашылық және жол-көпір шаруашылығы нысандары бойынша күрделі және ағымдық жөндеу жұмыстарына жобалық-сметалық құжаттамаларды әзірлеуге тапсырма береді. Тұрғын үй-коммуналдық шаруашылық кәсіпорындарының жұмысына меншік түріне қарамастан жетекшілік етеді. Бекітілген жылдық мемлекеттік сатып алу жоспары негізінде мемлекеттік сатып алуларды жүзеге асырады. Тұрғын үй-коммуналдық нысандарына, аудандық маңызы бар жолдарға ағымдық және күрделі жөндеу жұмыстарына бақылау жасайды. Мемлекеттік тұрғын үй қорынан тұрғын үйге немесе жеке тұрғын үй қорынан жергілікті атқарушы орган жолдаған тұрғын үйге мұқтаж азаматтардың тізімін жасайды. Заңда белгіленген мерзімге сәйкес тізімді аудандық баспасөз беттеріне жариялайды. Аудандағы коммуналдық меншіктегі тұрғын үй қорын есепке алады, апатты жағдайларда тұрған үйлер жөніндегі ақпараттарды жинайды. Тұрғын үй-коммуналдық шаруашылық және жол-көпір шаруашылығы саласында жеке және заңды тұлғалардың өтініштері мен шағымдарын қарайды. Елді мекендердің санитарлық тазалық, көгалдандыру және көріктендіру жұмыстарын, ауданішілік қоғамдық жолаушылар тасымалын ұйымдастырады және орындалуына бақылау жасайды. Әлеуметтік-мәдени нысандарын, тұрғын үйлерді, коммуналдық меншіктегі жылу нысандарын, магистралдық кәріз және су жүйелерін, электр жүйелерін, инфрақұрылым нысандарын, аудандық маңызы бар жалпыға ортақ пайдаланылатын автомобиль жолдарын, елді мекендердің көшелерін жылу маусымына дайындайды және бақылау жасайды.Мемлекеттік тұрғын үй қорын сақтау, олардың коммуникакацияларын күтіп-ұсталуына бақылау, сонымен қатар мемлекеттік тұрғын үй қорындағы үйлерге тұрғызу құқығына құжаттарын дайындап, жалға алу және жалдау келісім шарттарын жасауға, тұрғын үй қорына түгендеу жасау сұрақтары бойынша ұсыныс дайындайды. Мемлекеттік айырбастау және қызметтік тұрғын үйлерді жекешелендіру, сонымен қатар  бюджеттен бөлінетін қаражатқа тұрғын үйлерді (пәтер) сатып алуға құжаттарды рәсімдеу жүргізеді. Ортақ кондоминиум нысандарына техникалық тексеріс жүргізуді ұйымдастырады және ортақ кондоминиум нысандарына күрделі жөндеу жұмыстарын жүргізуге тізім жасап, кезегін анықтайды. Тұрғын үй көмегі арқылы қаражыландырылатын, кондоминиум нысандарына басқарма ұйымдарымен көрсетілген күрделі жөндеудің жеке түрлеріне жобалық-сметалық құжаттамаларды келіседі. «Күршім», «Теректі» мемлекеттік коммуналдық кәсіпорындарының жұмысын қадағалайды. Бюджеттік өтінім, сметалық шығындарын жасап, бюджеттік бағдарламаларды дайындап, бюджеттен бөлінген қаржының мақсатты  пайдалануын жүзеге асырады. Қазақстан Республикасы Президентінің, Қазақстан Республикасы Мемлекеттік хатшысының, Қазақстан Республикасы Үкіметінің, Қазақстан Республикасы Президенті Әкімшілігінің, Қазақстан Республикасы Премьер-Министрі Кеңсесінің актілері мен тапсырмаларының, облыс әкімі, аудан әкімі мен облыстық және аудандық әкімдіктердің актілері мен тапсырмаларының, мемлекеттік және салалық бағдарламалардың, аудан аумақтарын дамыту бағдарламасының іске асырылуының, ауданның әлеуметтік-экономикалық дамуы көрсеткіштерінің, мемлекеттік орган қызметінің тиімділігін бағалау көрсеткіштерінің орындалуын қамтамасыз етеді. Қазақстан Республикасының заңнамасына  сәйкес  жүктелген өзге де өкілеттіктерді жүзеге асырады.

2.Сәулет, құрылыс, тұрғын үй-коммуналдық шаруашылығы,  жолаушылар көлігі және автомобиль жолдары бөлімі басшысының орынбасары, (E-R-2 санаты) – 1 бірлік.
Лауазымдық жалақысы қызмет атқарған жылдарына байланысты 89017 теңгеден 132611 теңгеге дейін.
Конкурсқа қатысушыларға қойылатын талаптар: Жоғары (техникалық, экономикалық, қаржылық, жергілікті және мемлекеттік басқару, заңгерлік) білім.
Жұмыс тәжірибесі келесі талаптардың біріне сәйкес болуы тиіс:
1) мемлекеттік қызмет өтілі екі жылдан кем емес;
2) осы санаттағы нақты лауазымның функционалдық бағыттарына сәйкес облыстарда жұмыс өтілі үш жылдан кем емес;
3) жоғары және жоғары оқу орындарынан кейінгі білім бағдарламалары бойынша Қазақстан Республикасының Президенті жанындағы білім беру ұйымдарында мемлекеттік тапсырыс негізінде а немесе шетелдің жоғары оқу орындарында Шетелде кадрлар даярлау жөніндегі республикалық комиссия бекітетін  басым мамандықтар бойынша оқуды аяқтауы
4) ғылыми дәрежесінің болуы.
Функционалдық міндеттері: Мекеменің жұмысын ұйымдастырады. Бөлім басшысы демалыста, іс-сапарда немесе т.б. себептермен болмаған жағдайда басшының міндетін уақытша атқарады. Аудандағы сәулет, құрылыс, тұрғын үй-коммуналдық шаруашылығы, жолаушылар көлігі және автомобиль жолдары мәселері бойынша жұмыстарды үйлестіреді. Мемлекетті басқару жүйесі аумағында құрылыс нысандарының жоспарын жасау,жобаға дейінгі, жобалық-сметалық құжаттарды әзірлеу шараларын өткізу, жобаларды құрылыс, реконструкция, күрделі жөндеу жұмыстары мемлекет бюджетінен қаржыландырылатын нысандармен, сәулет құрылыс нысандары иелерінің қызметін үйлестіру. Аудан аймағында құрылыс мәселелеріне, оның ішінде мемлекеттік бюджеттен қаржыландырылатын құрылыс, тұрғын үй саясаты сұрақтарына, жылыту кезеңіне дайындық  жұмыстарына жетекшілік етеді. Ауданда аяқталмаған объектілер құрылысын тоқтатып қою, объектілерді кейіннен кәдеге жарату жөнінде жұмыстар кешенін жүргізу. Аудандағы жолаушы тасымалының маршрутын анықтап, конкурс өткізу. «Мемлекеттік  сатып алу» Заңына сәйкес конкурс құжаттарын дайындайды, мердігерді  анықтаудың заңдылығын сақтауына жауап береді. Қазақстан Республикасының қолданылып жүрген заңдары негізінде жергілікті маңызы бар жол жүйелерін дамытуды және қызмет етуін қамтамасыз ету, жолаушылар көлігі және тұрғын үй-коммуналдық шаруашылық саласында мемлекеттік реттеуді іске асырады. Жолаушылар көлігі және тұрғын үй-коммуналдық шаруашылық саласын дамытады. Уәкілетті мемлекеттік органмен келісе отырып, аудандық маңызы бар жалпыға ортақ пайдаланылатын автомобиль жолдары желісін, елді мекендердің көшелерін басқаруды іске асыру. Аудандық және аудандық маңызы бар жалпыға ортақ пайдаланылатын автомобиль жолдарын, елді мекендердегі көшелерді дамыту жоспарлары мен бағдарламаларын әзірлеп, іске асырады. Аудандық маңызы бар жалпыға ортақ пайдаланылатын автомобиль жолдарын, елді мекендердің көшелерін және тұрғын үй-коммуналдық шаруашылық нысандарын салу, қайта жаңғырту, жөндеу және күтіп ұстау жөніндегі жұмыстарды ұйымдастырады. Аудан нысандарының күзгі – қысқы кезеңге дайындық, санитарлық тазалық, көгалдандыру және көріктендіру жұмыстарының іске асырылуын ұйымдастырады. Жетекшілік ететін салалардағы әлеуметтік – экономикалық жағдайды талдап, болжап, ақпарат жинайды. Бюджеттік сұраныс, сметалық шығындарын жасап, бюджеттік бағдарламалардың төлқұжатын дайындап, бюджеттен  бөлінген қаржының мақсатты пайдалануын жүзеге асырады. Бөлім қызметкерлерінің жұмысын қадағалайды. Бөлім жоспарының орындалуын бақылайды.

3.Жұмыспен қамту және әлеуметтік бағдарламалар бөлімінің ардагерлер  және мүгедектермен жұмыс жөніндегі бас  маманы (негізгі қызметкердің бала күтіміне байланысты уақытша орнына) (Е-R-4 санаты) – 1 бірлік.
Лауазымдық жалақысы қызмет атқарған жылдарына байланысты 56376 теңгеден 76235 теңгеге дейiн.
Конкурсқа қатысушыларға қойылатын талаптар: Жоғары экономикалық, қаржылық, құқықтық, әлеуметтік қызмет көрсету, мемлекеттік және жергілікті басқару білімі.Мемлекеттік қызмет өтілі бір жылдан кем емес немесе осы санаттағы нақты лауазымның функционалдық бағытына сәйкес облыстарда екі жылдан кем емес жұмыс өтілі бар болған жағдайда ортадан кейінгі  экономикалық, қаржылық, құқықтық, әлеуметтік қызмет көрсету, мемлекеттік және жергілікті басқару, педагогикалық білімі барларға рұқсат етіледі.
Функционалдық міндеттері: Соғыс  және  еңбек  ардагерлеріне, тыл  еңбеккерлеріне, көп  балалы  жанұяларға, мүгедектерге, мүгедек  балаларға, аз  қамтылған  азаматтарға  қайырымдылық  шараларын  ұйымдастырып  (атаулы  және  мереке  күндеріне  байланысты  мейірімділік  акциясын  өткізу, барлық  қызмет  түрлеріндегі  мекемелер  мен  кәсіпорындардың  спонсорлық  және  қайырымдылық  көмек  көрсету), көрсетілген  көмектің  есебін  жүргізу. Аз  қамтылған,  мұқтаж,  еңбекке  жарамсыз,  жалғызілікті, мүгедек  азаматтар  мен  мүмкіншілігі  шектелген  балаларға  тегін  және  жеңілдіктермен  әлеуметтік - тұрмыстық  қызметтерді  үйлерінде  көрсететін  аумақтық  орталықтардың  жұмысын  ұйымдастыру,  олардың  ведомстволық  статистикалық  есебін  жасау. Облыстық жұмыспен  қамту  және  әлеуметтік  бағдарламаларды үйлестіру  басқармасына қозғалып  жүрудің  арнайы  құралдарына  (арбаларына), дене  кемістігіне  жасанды  мүше  бұйымдарға, естіп  көру  үшін  техникалық  құралдарға, санаторий  курорттық  емделуге  мұқтаж  мүгедектер, мүгедек  балалар, соғыс  және  еңбек  ардагерлері  туралы мәліметтер  жинап  беріп  отыру. Белгілі  бір  тұрағы  жоқ,  әлеуметтік  бейімдеуге  мұқтаж  азаматтарға  тұрмыстық  көмек  пен  жұмыс  ұйымдастыру.     

4.Экономика және қаржы бөлімінің мемлекеттік сатып алу бойынша бас маманы(Е-R-4 санаты) – 1 бірлік.
Лауазымдық жалақысы қызмет атқарған жылдарына байланысты 56376 теңгеден 76235 теңгеге дейiн.
Конкурсқа қатысушыларға қойылатын талаптар: Жоғары экономикалық, қаржылық, бухгалтерлік білім.Мемлекеттік қызмет өтілі бір жылдан кем емес немесе осы санаттағы нақты лауазымның функционалдық бағытына сәйкес облыстарда екі жылдан кем емес жұмыс өтілі бар болған жағдайда ортадан кейінгі экономикалық, қаржылық, бухгалтерлік білімі барларға рұқсат етіледі.           
Функционалдық міндеттері:Мемлекеттік сатып алу веб-порталына ауданның мемлекеттік мекемелері мен кәсіпорындарының мемлекеттік сатып алу бойынша жылдық жоспарларын, келісім-шарт Тізілімдерін, орындалған келісім-шарттардың есептіліктерін орналастыру жұмыстарын  ұйымдастырады. Ай сайын кіші кәсіпкерлік субъектілерінен тауарларды, жұмыстарды, қызметтерді сатып алу туралы жиынтық есепті табыстайды. Ауданның мемлекеттік мекемелері мен кәсіпорындардың мемлекеттік сатып алу бойынша ашық конкурстарды өткізуіне мониторинг жүргізеді. Облыстық бюджеттің атқарылуы бойынша уәкілетті органға нысаналы ағымдағы трансферттерді, дамытуға арналған нысаналы трансферттерді және кредиттерді іске асыру мониторингінің нәтижелері туралы ай сайынғы есепті әзірлейді және табыстайды. Мемлекеттік сатып алу жұмыстарын ұйымдастыру бойынша басқа да міндетттерді атқарады.

5.Экономика және қаржы бөлімінің коммуналдық меншік бойынша жетекші маманы, (Е-R-5 санаты) – 1 бірлік, 
Лауазымдық жалақысы қызмет атқарған жылдарына байланысты 49969 теңгеден 64063 теңгеге дейін.
Конкурсқа қатысушыларға қойылатын талаптар: жоғары  экономикалық,  қаржылық, бухгалтерлік немесе ортадан кейінгі экономикалық, қаржылық, бухгалтерлік білімі барларға рұқсат етіледі.
Функционалдық  міндеттері: Өз құзыреті шегінде аудандық коммуналдық мүлікті басқару саласындағы нормативтік құқықтық актілердің жобасын дайындайды. Өз құзыреті шегінде аудандық коммуналдық мүлікті басқарады, оны қорғау жөніндегі шараларды жүзеге асырады. Ауданның коммуналдық мүлкін аудандық коммуналдық заңды тұлғаларға  бекітіп береді. Жергілікті атқарушы органның шешімі бойынша аудандық коммуналдық мүлікті жауапкершілігі шектеулі серіктестіктердің жарғылық капиталына, не акционерлік қоғамның акцияларын төлеуге, беруді жүзеге асырады. Аудандық коммуналдық мүліктің пайдалануына және сақталуына мониторинг жасайды. Белгіленген тәртіпте кәсіпорындар мен мекемелердің Жарғыларын (Ережелерін), бөліну, жойылу баланстары және өткізу актілерінің бекітілуі бойынша келісім береді. Коммуналдық меншікке айналдырылған (түскен), Қазақстан Республикасының заңнамасында белгіленген тәртіппен иесі жоқ деп танылған нысандарды есепке алуды, сақтауды, бағалауды және одан әрі пайдалануды ұйымдастырады. Мемлекеттің қатысуымен мемлекеттік кәсіпорындарды, мекемелерді және ұйымдарды құру, қайта құру, тарату мәселелері жөнінде ұсыныстарды енгізеді. Белгіленген тәртіпте аудандық коммуналдық мүлікті коммуналдық мемлекеттік кәсіпорындар мен мекемелердің теңгерімдерінен есептен шығару үшін келісуді жүргізеді. Жергілікті атқарушы органның қаулысы бойынша аудандық коммуналдық мүлікті жекешелендіруді жүзеге асырады, оның ішінде жекешелендіру процесін ұйымдастыру үшін делдалды тартады, жекешелендіру объектісін бағалауды қамтамасыз етеді, жекешелендіру объектісінің сатып алу-сату шарттарын әзірлеу мен жасасуды және сатып алу-сату шарттары талаптарының сақталуын бақылауды жүзеге асырады. Аудандық коммуналдық мүлікті жеке тұлғаларға және мемлекеттік емес заңды тұлғаларға кейіннен сатып алу құқығынсыз, шағын кәсіпкерлік субъектілерінің меншігіне кейіннен сатып алу құқығымен немесе кейіннен меншігіне өтеусіз негізде беру құқығымен мүліктік жалдауға (жалға алуға), сенімгерлікпен басқаруға беру жұмыстарын ұйымдастырады. Өз құзыреті шегінде аудан аумағында мемлекеттік коммуналдық меншікті басқару сұрақтары бойынша мемлекеттің мүддесін және оның мүліктік құқықтарын сотта қорғайды. Сенімгерлікпен басқарушының аудандық коммуналдық мүлікті сенімгерлікпен басқару шарты бойынша міндеттемелерді орындауын бақылауды жүзеге асырады. Қазақстан Республикасы Үкіметімен белгіленген тәртіпте  мемлекеттік емес заңды тұлғалардан және жеке тұлғалардан сыйға тарту шарты бойынша мүлікті қабылдауды (мүлікке құқықалуды) жүзеге асырады. Өзіне осы Заңда және Қазақстан Республикасының өзге де заңнамасында жүктелген өзге де өкілеттіктерді жүзеге асырады.

6.Экономика және қаржы бөлімінің бюджеттік жоспарлау жөніндегі  жетекші  маманы (негізгі қызметкердің бала күтіміне байланысты уақытша орнына) (Е-R-5 санаты) – 1 бірлік.
 Лауазымдық жалақысы қызмет атқарған жылдарына байланысты 49969 теңгеден 64063 теңгеге дейін.
Конкурсқа қатысушыларға қойылатын талаптар: Жоғары экономикалық, қаржылық, бухгалтерлік немесе ортадан кейінгі экономикалық, қаржылық, бухгалтерлік білімі барларға рұқсат етіледі.
Функционалдық міндеттері: Бюджеттік бағдарлама әкімшілеріне бюджеттік жоспар бойынша бюджеттік комиссияға ақпарат дайындау және комиссия отырысына қатысу. Жедел жинақ жүйесін, экономикалық ақпараттарды сараптау және қайта өндеуді жетілдіру. Аудан бюджетін бекіту мақсатында мәслихатқа  есебін даярлау. Аумақтық салық органымен аудандық бюджеттің кірістерін болжауды жүзеге асырады, өзінің құзыры шегінде жергілікті бюджеттерді жасау жөнінде жұмыстар атқару. 

7.Теректі ауылдық округі әкімі аппаратының бас маман – іс-басқарушысы (Е-G-3 санаты) – 1 бірлік.
Лауазымдық жалақысы қызмет атқарған жылдарына байланысты 53843 теңгеден 72391 теңгеге дейін.
Конкурсқа қатысушыларға қойылатын талап: білімі – жоғары, мемлекеттік қызмет өтілі бір жылдан кем емес немесе осы санаттағы нақты лауазымның функционалдық бағытына сәйкес облыстарда екі жылдан кем емес жұмыс өтілі бар болған жағдайда ортадан кейінгі білімі барларға рұқсат етіледі.
Функционалдық  міндеттері: Бағынышты мамандар мен жұмысшылардың міндеттері мен өкілеттерін айқындайды, ұйымдастырады, бақылайды. Азаматтарды жеке қабылдауды ұйымдастырады. Әкімшіліктің іс қағаздарын талапқа сай жүргізеді. Округтің әлеуметтік-экономикалық дамуының бағдарламасын, стратегиялық және индикативтік даму жоспарларын дайындайды. Округтің даму мониторингтерін жасайды. Жеке тұлғалар мен заңды тұлғалардың шаруашылық және алфавит кітаптарын жүргізеді. Мал және жан санағын жүргізеді. Азаматтарға анықтамалар береді. Азаматтардың есебін жүргізеді. Сұраныс орындарына әр түрлі ақпараттар беру. Азаматтарға АХАЖ қызметін ұйымдастырады. Кәсіпқой емес медиаторлардың тізілімін жүргізеді. Қоғамдық жұмыстарды, жастар практикасын және әлеуметтік жұмыс орындарын ұйымдастырады. Нотариалдық істерді жүргізеді.

8.Құйған ауылдық округі әкімі аппаратының бас маман-есепшісі (Е-G-3 санаты) – 1 бірлік.
Лауазымдық жалақысы қызмет атқарған жылдарына байланысты 53843 теңгеден 72391 теңгеге дейін.
Конкурсқа қатысушыларға қойылатын талап: Жоғары  экономикалық, қаржылық, бухгалтерлік, мемлекеттік және жергілікті басқару, менеджмент, статистикалық, ортадан кейінгі экономикалық, қаржылық, бухгалтерлік, мемлекеттік және жергілікті басқару, менеджмент, статистикалық білімі барларға рұқсат етіледі.
Функционалдық  міндеттері: Ауылдық округ әкімі аппаратының шығыс сметасын құрайды. Бюджеттің барлық сұрақтары бойынша бухгалтерлік есеп жүргізеді, жалақы есептейді. Тауарлар мен қызметті мемлекеттік сатып алуды ұйымдастырады, келісім-шарттар жасайды. Бюджеттік қаржыны мақсатты пайдалануға бақылау жасайды, бюджет бойынша айлық, тоқсандық, жылдық есептерді құрайды және сәйкес ұйымдарға ұсынады. Берілген коммуналдық мүліктің сақталуын қамтамасыз етеді. Бюджеттің атқарылуы жөніндегі орталық уәкілетті органда әкімдердің жергілікті өзін-өзі басқару функцияларын іске асыруына бағытталатын ақшаны есепке жатқызуға арналған, жергілікті өзін-өзі басқарудың қолма-қол ақшаны бақылау шотының қамтамасыз етеді.

9.Балықшы ауылдық округі әкімі аппаратының бас маман-есепшісі (негізгі қызметкердің бала күтіміне байланысты уақытша орнына) (Е-G-3 санаты) – 1 бірлік.
Лауазымдық жалақысы қызмет атқарған жылдарына байланысты 53843 теңгеден 72391 теңгеге дейін.
Конкурсқа қатысушыларға қойылатын талап: Жоғары  экономикалық, қаржылық, бухгалтерлік, мемлекеттік және жергілікті басқару, менеджмент, статистикалық, ортадан кейінгі экономикалық, қаржылық, бухгалтерлік, мемлекеттік және жергілікті басқару, менеджмент, статистикалық білімі барларға рұқсат етіледі.
Функционалдық  міндеттері: Ауылдық округ әкімі аппаратының шығыс сметасын құрайды. Бюджеттің барлық сұрақтары бойынша бухгалтерлік есеп жүргізеді, жалақы есептейді. Тауарлар мен қызметті мемлекеттік сатып алуды ұйымдастырады, келісім-шарттар жасайды. Бюджеттік қаржыны мақсатты пайдалануға бақылау жасайды, бюджет бойынша айлық, тоқсандық, жылдық есептерді құрайды және сәйкес ұйымдарға ұсынады. Берілген коммуналдық мүліктің сақталуын қамтамасыз етеді. Бюджеттің атқарылуы жөніндегі орталық уәкілетті органда әкімдердің жергілікті өзін-өзі басқару функцияларын іске асыруына бағытталатын ақшаны есепке жатқызуға арналған, жергілікті өзін-өзі басқарудың қолма-қол ақшаны бақылау шотының қамтамасыз етеді.

10.Балықшы ауылдық округі әкімі аппаратының жетекші маманы, Е-G-4 санаты – 1 бірлік.
Лауазымдық жалақысы қызмет атқарған жылдарына байланысты 48047 теңгеден 64704 теңгеге дейiн.
Конкурсқа қатысушыларға қойылатын талаптар: Жоғары немесе ортадан кейінгі білім не орта техникалық немесе кәсіптік білім.
Функционалдық міндеттері: Жеке және заңды тұлғалардан салық төлемдерін жинау. Салық басқармасына, округ әкіміне салық төлемдері туралы есеп беру. Сұраныс орындарына салық төлемдері туралы ақпараттар береді. Құжаттардың өтуі мен орындалуына, олардың есепке алынуына бақылау жасау жұмысын ұйымдастырады. Алгоритм бойынша қосымша салық көздерін қарастыру, кәсіпкерлермен меморандум жасау жұмысын ұйымдастырады. Округтегі иесіз ғимараттармен және жаңа құрылыс объектілерін тізімдеу, тіркету жұмыстарын ұйымдастырады. Қазақстан Республикасының «Жалпыға бірдей әскери міндет туралы» Заңын азаматтарға насихаттау, үгіттеу жұмыстарын жүргізеді. Әскери міндеттілердің есебін жүргізеді. Округке келген-кеткен азаматтардың есебін жүргізеді. Азаматтардың жеке бас куәліктерін алу,ауыстыру жұмыстарын ұйымдастырады. Аудандық қорғаныс бөліміне және Әділет басқармасына есеп береді. Өз құзыреті шегінде әскери міндеттілік және әскери қызмет,азаматтық қорғаныс сондай-ақ жұмылдыру дайындығы мен жұмылдыру туралы мәселелер бойынша Қазақстан Республикасы заңнамасының орындалуын ұйымдастырады және қамтамасыз етеді.

11.Қалжыр ауылдық округі әкімі аппаратының жетекші маманы, Е-G-4 санаты – 1 бірлік
Лауазымдық жалақысы қызмет атқарған жылдарына байланысты 48047 теңгеден 64704 теңгеге дейiн.
Конкурсқа қатысушыларға қойылатын талаптар: Жоғары немесе ортадан кейінгі білім не орта техникалық немесе кәсіптік білім.
Функционалдық міндеттері: Қазақстан Республикасының «Жалпыға бірдей әскери міндет туралы» Заңын азаматтарға насихаттау, үгіттеу жұмыстарын жүргізеді. Әскери міндеттілердің есебін жүргізеді. Округке келген-кеткен азаматтардың есебін жүргізеді. Азаматтардың жеке бас куәліктерін алу,ауыстыру жұмыстарын ұйымдастырады. Аудандық қорғаныс бөліміне және Әділет басқармасына есеп береді. Өз құзыреті шегінде әскери міндеттілік және әскери қызмет,азаматтық қорғаныс сондай-ақ жұмылдыру дайындығы мен жұмылдыру туралы мәселелер бойынша Қазақстан Республикасы заңнамасының орындалуын ұйымдастырады және қамтамасыз етеді.
Конкурсқа қатысушыларға қойылатын талаптар: тиісті санат үшін әкімшілік мемлекеттік лауазымдарына орналасуға кандидаттардың Қазақстан Республикасы Мемлекеттік қызмет істері және сыбайлас жемқорлыққа қарсы іс–қимыл агенттігімен анықталатын тестілеу бағдарламасына сәйкес Қазақстан Республикасының заңнамасын білу; «Қазақстан – 2050» Стратегиясы: қалыптасқан мемлекеттің жаңа саяси бағыты» стратегиясын, нақты лауазымның мамандануына сәйкес салалардағы қатынастарды реттейтін Қазақстан Республикасының нормативтік құқықтық актілерін білу; осы санаттағы лауазымдар бойынша функционалдық міндеттерді орындау үшін қажетті басқа да міндетті білімдер.
Конкурс республикалық ақпарат құралдарында (28.03.2013 ж. «Егемен Қазақстан» газетінде) жарияланған Қазақстан Республикасы Мемлекеттік қызмет істер агенттігі төрағасының 2013 жылғы 19 наурызындағы № 06-7/32 бұйрығымен бекітілген «Бос әкімшілік мемлекеттік лауазымға орналасуға конкурс өткізу және конкурс комиссиясын қалыптастыру қағидаларын бекіту туралы» конкурс өткізу ережелері негізінде жүргізіледі.
Конкурс комиссиясының отырысына байқаушылар ретінде Қазақстан Республикасы Парламентінің және барлық деңгейдегі мәслихат депутаттарының, Қазақстан Республикасы заңнамасында белгіленген тәртіпте аккредиттелген бұқаралық ақпарат құралдарының, басқа мемлекеттік органдардың, қоғамдық бірлестіктердің (үкіметтік емес ұйымдардың), коммерциялық ұйымдардың және саяси партиялардың өкілдері, уәкілетті органның қызметкерлері қатыса алады.

Конкурсқа қатысу үшін қажетті құжаттар: өкілетті орган белгілеген нысандағы толтырылған өтініш; 3х4 үлгідегі фотосуретпен өкілетті орган белгілеген нысандағы толтырылған сауалнама; білімі туралы құжаттардың нотариалдық куәландырылған көшірмелері; еңбек қызметін растайтын құжаттың нотариалдық куәландырылған көшірмесі; Қазақстан Республикасы Денсаулық сақтау министрлігінің 2010 жылғы 23 қарашадағы № 907 бұйрығымен бекітілген (Қазақстан Республикасының нормативтік-құқықтық актілердің тізілімінде 2010 жылы 21 желтоқсанда № 6697 болып тіркелген) нысандағы денсаулығы туралы анықтама; Қазақстан Республикасы азаматының жеке куәлігінің көшірмесі; құжаттарды тапсыру сәтінде уәкілетті органмен белгіленген шекті мәннен төмен емес нәтижемен тестілеуден өткені туралы қолданыстағы сертификат (немесе сертификаттың нотариалдық куәландырылған көшірмесі).
Құжаттар конкурс өткізу туралы хабарландыру облыстық «Дидар», «Рудный Алтай» газетіне жарияланған күннен бастап, 10 жұмыс күннің ішінде мына мекенжайда қабылданады: Шығыс Қазақстан облысы, Күршім ауданы, Күршім ауылы, Ибежанов  көшесі, 23 үй «ШҚО Күршім ауданы әкімі  аппараты» ММ тел:2-16-79, факс: 2-17-80, электрондық пошта a_dusupova@mail.ru
Құжаттары талапқа сай келетін әңгімелесуге жіберілген кандидаттар конкурстық комиссиямен әңгімелесуге жіберілгені туралы хабардар етілген күннен бастап бес жұмыс күн ішінде «ШҚО Күршім  ауданы әкімінің аппараты» мемлекеттік мекемесінде әңгімелесуден өтеді.
Азаматтар конкурсқа қатысу шығындарын (әңгімелесу өтетін жерге келу және қайту, тұратын жер жалдау, байланыс қызметінің барлық түрлерін пайдалану) өздері көтеріп алады.  

Парақтар өзгертілді: 15-08-2017