Сейсенбi, 17 Шілде 2018 г. 15:16

Аудан бөлімдері

«ШҚО Күршім ауданының ішкі саясат бөлімі» ММ

Қасымбаева Арайлым Сейтқамзақызы Қасымбаева Арайлым Сейітқамзақызы - ШҚО Күршім ауданының ішкі саясат бөлімінің басшысы 
1982  жылы 19 шілдеде Шығыс Қазақстан облысы Күршім ауданы Қаратоғай ауылында дүниеге келген. Білімі жоғары. 2005 жылы Алматы қаласындағы Абай атындағы ҚазҰПУ бастауыш сыныптар мұғалімі, 2015 жылы Қазақстан-Американдық университетін құқық бакалавры мамандығы бойынша тәмамдаған. 2005-2012 жылдары - «Күршім ауылдық округі әкімінің аппараты» мемлекеттік мекемесінде мүмкіншілігі шектеулі балаларға үйден әлеуметтік көмек көрсету бөлімшесінің  маманы,  бас маман – іс басқарушысы  болып  еңбек  етті. 2012 –2017 жылдары - Күршім ауылдық округі әкімінің орынбасары, Күршім ауданының ішкі саясат бөлімінің басшысы, Күршім ауданының ішкі саясат, мәдениет және тілдерді дамыту бөлімі басшысының орынбасары болып қызмет атқарды. 2017 жылдың қаңтар айында Күршім ауданының ішкі саясат бөлімінің басшысы лауазымына тағайындалды.

Лауазымдық  міндеттері: Мекемені басқарады, жұмысына басшылық жасап ұйымдастырады. Мекемедегі қызметкерлердің және   мемлекеттік орган қарамағындағы ұйым басшыларының міндеттері мен өкілеттерін айқындайды. Лауазымға тағайындайды және лауазымнан босатады. Ауданда қоғамдық-саяси тұрақтылық пен халықтар бірлігін сақтауға, мемлекеттілікті нығайтуға, ауданның ақпараттық кеңістігінің бәсекеге қабілеттілігін арттыруға, сондай-ақ азаматтық қоғам институттарын қолдау және дамытуға бағытталған мемлекет саясатын жүзеге асырады. Ішкі саяси тұрақтылықты қамтамасыз етеді. Ауданның жергілікті атқарушы органдарының жұмысын үйлестіреді, сондай-ақ  Қазақстанның 2050 жылға дейінгі даму Стратегиясының, Президенттің жыл сайынғы Жолдауларының негізгі басымдылықтарын, мемлекеттік ішкі саясаттың басымдылықтарын насихаттау бойынша тұрғындар арасында ақпараттық-түсіндіру кешенін өткізуді ұйымдастырады. Саяси партиялармен, қоғамдық-саяси ұйымдармен және діни конфессиялармен, сондай-ақ басқа да қоғамдық бірлестіктермен, кәсіподақтармен, ұлттық-мәдени орталықтармен конструктивті қарым-қатынасты нығайтады. Мемлекеттік ақпараттық саясат  және бұқаралық ақпарат құралдарының мониторингі мәселелері бойынша жұмысты ұйымдастырады. Бұқаралық ақпарат құралдары арқылы мемлекеттік ақпараттық саясатты жүзеге асырады. Аудандағы діни жағдайға зерделеу және талдау жүргізеді. Діни іс-әрекеттер мен діни бірлестіктер туралы Қазақстан Республикасының заңнамасын жетілдіру бойынша дін іс-әрекеттері саласындағы уәкілетті органдарға ұсыныстар жасайды. Өз құзыретіне жататын мәселелер бойынша жергілікті деңгейде түсіндіру жұмыстарын жүргізеді. Мемлекеттік әлеуметтік тапсырысты жүзеге асыратын үкіметтік емес ұйымдарға ақпараттық, консультациялық, әдістемелік қолдау көрсетеді. Аудан аумағында Қазақстан Республикасы мемлекеттік рәміздерінің пайдалануына  (тігілуін, орналастыру) бақылау жасайды. «Жастар ресурстық орталығы» коммуналдық мемлекеттік мекемесінің жұмысын қадағалайды. Бюджеттік  өтінім, сметалық шығындарын жасап, бюджеттік бағдарламаларды дайындап, бюджеттен бөлінген қаржының  мақсатты  пайдалануын жүзеге асырады. Қазақстан Республикасы Президентінің, Қазақстан Республикасы Мемлекеттік хатшысының, Қазақстан Республикасы Үкіметінің, Қазақстан Республикасы Президенті Әкімшілігінің, Қазақстан Республикасы Премьер-Министрі Кеңсесінің актілері мен тапсырмаларының, облыс әкімі, аудан әкімі мен облыстық және аудандық әкімдіктердің актілері мен тапсырмаларының, мемлекеттік және салалық бағдарламалардың, аудан аумақтарын дамыту бағдарламасының іске асырылуының, ауданның әлеуметтік-экономикалық дамуы көрсеткіштерінің, мемлекеттік орган қызметінің тиімділігін бағалау көрсеткіштерінің орындалуын қамтамасыз етеді. Қазақстан Республикасының заңнамасына сәйкес өзге де өкілеттіктерді жүзеге асырады. 

Мекен-жайы: Күршім ауылы Ибежанов көшесі 23
Қабылдау күндері: сәрсенбі 10.00-ден 12.00-ге дейін
Байланыс телефоны 8(72339)21714, 21174
e-mail: ovp_kurchum@mail.ru

     
Парақтар өзгертілді: 20-02-2018