Жұма, 26 Мамыр 2017 г. 13:18

Ветеринария

2015 жылдың атқарылған жұмыстары туралы ақпарат *.doc 39 kB
Күршім ауданы бойынша елді мекендер, мал қорымдары мен мал сою нысандары туралы туралы ақпарат *.xls 29 kB

Ветеринария бөлімінде 2016 жылда атқарылған жұмыстардың қорытындысы

Күршім ауданы бойынша ветеринариялық  іс-шараларға 2016 жылы жергілікті бюджеттен жануарлардың аса қауіпті ауруларына қарсы профилактикалық іс шараларды жүргізуге 93330,0 мың теңге (трансферт), сарыпқа шалдыққан малдарды қайта өңдеу кәсіпорнына тасымалдауға 1392,0 мың теңге, мал қорымдарын күтіп-ұстауға 2133,0 мың теңге, қаңғыбас иттер мен мысықтарды аулап, жоюға 1392,0 мың теңге, биопрепараттарды тасымалдауға және сақтауға 167,0 мың теңге, интернет байланысын және АШЖБ дерекқорының жұмысын қамтамасыз етуге 6910,0 мың теңге, сонымен қатар облыстық бюджеттен энзоотиялық ауруларға қарсы егу жұмыстарына 8037,0 теңге қаражат бөлінді.

Жануарлардың аса қауіпті ауруларына және энзоотиялық ауруларға қарсы профилактикалық іс-шаралар бекітілген жоспарға сәйкес 100 пайызға атқарылып, бөлінген қаражат толықтай игерілді.
2016 жылдың 11  айында жоспарлы тексерулер мен сауықтыру шараларын қоса есептегенде  сарып ауруына 99853  бас мүйізді ірі қара малы тексеріліп, оның 91 басы оң нәтиже көрсетті, заладануы  0,09 пайыз (2015 жылдың 11 айында 96311 бас тексеріліп, 403 бас-0,41 пайыз), 279846 бас мүйізді ұсақ малы тексеріліп, оның 471 басы оң нәтиже көрсетті, заладануы 0,16 пайыз (2015 жылдың 11 айында 218526 бас тексеріліп, 2118 бас- 0,96  пайыз). Сарыпқа оң нәтиже көрсетіп, қайта өңдеу кәсіпорнына өткізілген малдардың иелеріне барлығы 6 млн 210 мың 612 теңге өтемақы төленді.
Ауыл шаруашылығы жануарларын бірдейлендіру жұмыстары күнделікті жүргізіледі, 2016  жылға бірдейлендіру жоспарланған 37708 бас ірі қараның  11 айда бірдейленгені 55709  бас, орындалуы 147,7 пайыз. 2016 жылға бірдейлендіру жоспарланған 97512 бас ұсақ малдың 11 айда бірдейленгені 122979 бас, орындалуы 126,1  пайыз. 2016 жылға бірдейлендіру жоспарланған 11334 бас жылқының 11 айда таңбалау әдісімен бірдейлендірілгені 12376  бас, орындалуы 109,1 пайыз. Бірдейленген ауыл шаруашылығы жануарлары  дерекқор базасына толық кіргізілген, бірдейлендіру жұмыстары жалғасуда.
2016 жылдың 11 айында ветеринария саласындағы мемлекеттік қызмет көрсету бойынша барлығы 4961 ветеринариялық анықтама, 59907 ветеринариялық паспорт, 19 ветеринариялық-санитариялық қорытынды  берілді.

Ауданда 45 мал қорымы, 33 елді мекенде мал қоршаулары бар. 2016  жылға  мал қорымдарына ағымдағы жөндеу жұмыстарын жүргізуге бөлінген қаржы толықтай игерілді.
Аудан бойынша жергілікті бюджеттен қаңғыбас ит, мысықтарды аулап жою жұмыстарына бөлінген қаржы толықтай игеріліп, 821 ит, 8 мысық  ұсталынып, жойылды.
Интернет байланысын және АШЖБ дерекқорының жұмысын қамтамасыз етуге бөлінген қаржының 6436,0 мың теңгесі, сарыпқа шалдыққан малдарды қайта өңдеу кәсіпорындарына тасымалдауға бөлінген қаржының 1266,0 мың теңгесі игерілді, қалған қаражат желтоқсан айында игеріледі.
Аудан аумағында 5 мал сою пункті, 17 мал сою алаңдары қызмет көрсетуде.

 

Парақтар өзгертілді: 07-12-2016